Birkite Alonsok 2017an bakarlari gisa hasitako proiektua dugu Birkit. 2000aren lehen hamarkadan Eorann eta Red Carmine taldeetan aritua, 2017an”Emen” izeneko bakarkako debutan gitarra elektrikoa eta piano hutsak uztartu zituen, sei urteko etenaldian zehar mamitutako soinu eta gogoetak islatuz. 2021eko azaroan “Inertzia” izeneko bigarren lana talde formatuan aurkeztuko dute Birkitek, Ilargi Agirrek (Perlak, Mice, Hatxe) Mikel Palenzuelak (Tilde, Madera) eta Patxi Agirrek (Perlak), azken bi urteetan bederatzi abestiz osatutako lana landu ostean. “Inertzia” Mikel Kazalisek grabatu du aurtengo udan, Zarautzko Fidelenea estudioan. Idoia Hernandez Toledo “Hatxe” pianojoleak kantu batean lagundu die. CDaren diseinua eta argazkiak Aitziber Orkolaga donostiarrarenak dira.

Birkit MUKURU kolektiboaren kide bezala aurkezten du bere talde-formatuko lehen lana, Paxkal Irigoyen, Kaskezur, Hatxe, Peru Galbete, Hegazkin eta beste hainbat talde eta bakarlarirekin batera.

...

Nerabezaroan Gasteizko musika eskolan gitarra klasikoko ikasketa zorrotzak bertan behera utzi eta 23 urterekin lehen gitarra elektrikoa erosi zuen Birkite Alonsok, Ricardo Urrutia eta beste hainbat irakaslerekin bi urtez ikasi ondoren abesti sorta bat osatu eta 2001ean taldekide bila hasi zelarik. Gon Caraballo baxularia ezagutu eta Eorann sortu zuten Bilbon, ofizialki 2003tik 2008ra aritu eta pop eta post-rock ilun batetik abiatuta Sergio Hoyuelos gitarra jolearen psikodeliari batu zitzaion noise-rocka osatu eta hiru lan grabatu zituztelarik.

Eorann banatzean Birkitek, Gonek eta Rober Somavilla taldeko azken bateri joleak Red Carmine proiektu berriari ekin zioten, shoegaze-rock melodia baratzak eta erritmo pausatuagoak sortzeko gogoak bultzatuta. Hurrengo urtean Carlos Boulandier gitarrajolea batu zitzaielarik, 2010era arte aritu ziren grabatutako lehen diskako eta bigarrenerako prest zituzten kantak zuzenean jotzen.

Urte berean Birkitek musika egiteari utzi eta bost urteko etenaldiari hasiera eman zion, 2015eko udan gitarra berriz entxufatzeko beharra sentitu eta etxean bertan bi urtez luzatuko zen bakarko proiektuari hasiera emanez. 2016aren udazkenean kontzertuak ematen hasi eta 2017ko udan "emen" bere lehen diska grabatu zuen Gasteizko Sonora estudioan Iñaki Alonsoren laguntzaz. Azaroan interneten argitaratu eta Cda abenduan aurkeztuko du Durangoko azokan.

Emakumezko bakarlari eta talde atzerritarren folk eta rock independentetik edandako eraginek aintzinako noise eta melodia baratzekin bat egiteaz gain, Birkitek euskal kantagintzarako senarekin konbinatuz osatu du "emen", diskak aurrera egin ahala hasierako soinu elektriko iluna argituz eta gozotuz doalarik. Abestiak bizitzako hainbat etapen arteko aldaketen deskribapen emozionalak dira, Birkit musikaria eta emakumea aurkitzearen bilaketan lortutako identitatearen isla.

Inertzia 2019 eta 2021 artean taldean landutako emaitza da. Birkitek ekarritako bederatzi kanta eta dinamika berriak eratu dituzte, besteak beste soinu garbiagora egokitzeko eta indarra erritmoan oinarritzeko, distortsioan baino. Gitarren arteko dantzak eta erritmo markatuak diskoaren ezaugarriak dira, Birkiteren ahotsak bideratuta.

Inertzia Mikel Kazalisek grabatu eta masterizatu du Zarautzko Fidelenea Estudioan, 2021ko ekaina eta urria artean. Soinu-nahasketa taldearekin batera egin du.

CDaren diseinua eta talde-argazkiak Aitziber Orkolagarenak dira eta Idoia Hernandez Toledo HATXEk pianoan lagundu die Ezinbestekoaren ziega abestian.

Iñaki Alonsok «emen» grabatu zuen Gasteizko Sonora Estudioan 2017ko ekaina eta iraila artean. Birkitek Fender eta Gretsch gitarra elektrikoak eta Nord electro pianoa erabili zituen, Gon Caraballok (Eorann, Red Carmine) baxuarekin bi abestitan lagundu ziolarik.

Emakumezko bakarlari eta talde atzerritarren folk eta rock independentetik edandako eraginek aintzinako noise eta melodia baratzekin bat egiteaz gain, Birkitek euskal kantagintzarako senarekin konbinatuz osatu du «emen», diskak aurrera egin ahala hasierako soinu elektriko iluna argituz eta gozotuz doalarik. Abestiek bizitzako hainbat etapen arteko aldaketen deskribapen emozionalak dira, Birkit musikaria eta emakumea aurkitzearen bilaketan lortutako identitatearen isla.

HITZAK

1. Zelatan

[+]

Gauak ez dit zure berririk ekartzen
nahiz eta mila bider ikusi gaituen ilunpean laztantzen
agian begira dago orain ere,
gure arteko distantzia lagun duela, orain ere.

Gauak ez dit zure berririk ekartzen
inbiriak hila behatzen gaitu isilean
gure artekoa hitzik gabe
gauero sendotzen dela ikustean, orain ere.

Gauak ez dit zure berririk ekartzen.

2. Leihoa

[+]

Egunerokotasunak eskatzen duen esfortzuari aurre egiteko indar-eredua emakumezkoa denean,
miresmena gizarteak helarazitako emakumearenganako desirarekin nahastu eta oker proiektatzearen inguruan.

Begi triste horiek berriz hitz egin didate
hiru eguneko bizarra gaur ere
nahikoa izan ziren arreta deitzeko
eta orain ezin gainetik, ezin burutik kendu.

Gaindituta, eskuak bete
hirugarrena bidean
begi triste horiek hitz egin didate
eta ez dakit zer dioten, ez dakit zer nahi duten.

Larrua jo nahi didazu,
ala zurearen kontra estutu, besterik ez?
Naizen lekuraino eraman zaitzadan
naizen lekuan arnas hartuko duzulakoan.

Bertan egonda naiz ere, aspaldian
ez naiz erantzuna, ez nauzu behar.

Ireki leihoa
tinko itxi zendun noizbait
etxea epeltzean.

3. Zuria

[+]

»40en krisi» positiboa. Gizartean ezarritako emakumearen dekadentzia pertsonalaren kontrako manifestua. Norbere
burua onartzea eta maitatzetik sortutako askatasun pertsonalak aurrera egiteko ematen digun indarra urteen igaroari zor diogula ulertzea.
Emakume helduaren (bereziki amaren) desexualizazio sozialaren salaketa. Lotura apurtu gabe, bestearekiko dependentziaren haustura, «zure beste erdia» aurkitzea
etorkizuneko «ni» idealizatua eraikitzean datzala ulertzea.

Ispilu aurrean
zuria
zerbait galtzen dela
diote
adituek
betikoek
ez berak.

Atzo hasitako
bidea
zabalik aurrean
hutsetik ez baina,
eskuratutako
aldeak
zamak arinduta
sentiarazten du

Duina
jantzia
aparta
umila
ausarta
zuhurra
uxatu zituen beldurrak.
Ederra
sentsuala
erantzia
askea
paziente
laguna
bere ametsetako kuttuna.

Ispilu aurrean
zuria
zerbait galtzen dela
diote
adituek
ez berak
aurrera.

4. Munduan gertatzen den guztia

[+]

Batzuetan
egunkarian
munduan gertatzen den guztia
irakurtzen da
eta munduan gertatzen den guztia
munduan gertatzen den guztia
dela sinisten da
Batzuetan
haizeak
egunkariaren orriak oratu eta
banderak bailiren
astindu, okertu, aldrebestu
desordenatu, zimurtu, nahaspilatu
eta apurtzen ditu.

Hitzak: Joseba Sarrionaindia

5. Barrutik barrurantz

[+]

Amatasunak eman eta kentzen duenaren inguruan. Hasierako etapan frustaziotik bizitako
desagertzea hurrengo etapetan esparru pertsonala eta identitatea berreskuratzea bezain
garrantzitsua eta beharrezkoa dela ulertzea.

Epel
barrutik
irten zinen
nire mundutik
negar batean
niri tiraka
kanpoan ginen biak estrainekoz.

Aurreiritziak
erantzita
irribarrez jantzitako
soinu, leku, bihotz, aurpegi berriak
zuri esker
maitia.

Unerik ez
etenik ez
zuretzat ziren gauak, egunak
doinurik ez
eta osorik ez
zuretzat ziren gauak, egunak
indar guztiak
maitia.

Eta orain
barrua deika ari da
noan
itxaron pixka batean
aurrean zaitut
niri begira
entzun doinu berri hauek
nireak dira
itzuli dira.

Unerik ez
etenik ez
zuretzat ziren gauak, egunak
doinurik ez
eta osorik ez
zuretzat ziren gauak, egunak
indar guztiak
urteak
maitia.

Nahikoa gaurkoz
zatoz jolastera
gorde zaitez arropa azpian
epel
barruan
gure munduan.

6. Zoroak

[+]

Gaur berriz egingo dugu
kalean gora korrika, dantzan
zu harro, zoro artean
inoiz baino ederrago.

Kolpez kolpe
ez duzu minik
Ahoz aho
hegan bizirk
Maitasunak gaitu zoratu
zu zaintzeko elkar batuz.

7. We Rebuild

[+]

I chose you
you had me
time spread seeds
kisses & battles.

I do

Those two words
mean nothing
but we said them
‘cause they made us smile
we did
we used to.

And then we smile again
and I’m flying all around you.
There you keep calling
while I’m here flying all around you
Will you keep calling
if I’m not flying home?

I adore you
then you lose me
we both care
we rebuild
when I hurt you
you still feed me
Do I lose there?
or do you make us both win?

8. Biluzik

[+]

Gaur ez du egunerokoan babesik hartu
egi zikin hura aurreratu egin da oraingoan.
Gaur ez du egunerokoan babesik hartu
segundu mutuetan murgildu da
gauak oihuak irentsi bait ditu.

Gaur ez du egunerokoan babesik hartu
iraganak buztitako maindiretan
euren itsaso ohian, lo gelditu da
erloju zahar honen ahots epelak
kulunkatzen duen bitartean
odolak malkoak zirriborratuko.

Hotzak dago
biluzik
haren arnasak esnatuko duelakoan.
Hotzak dago
biluzik
haren arnasak
itzuliko duen amesgaiztoa eten nahian
bertan geldituko da
isilik
gauak oihuak irentsi bait ditu.

Hotzak dago
biluzik
haren arnasak esnatuko duelakoan.
Hotzak dago
biluzik
haren arnasak
itzuliko duen amesgaiztoa eten nahian
ez zaitez hemen gelditu
isilik
goizak oihuak zabalduko ditu.

9. Aldean

[+]

Une bakartienetan
noizean behin desagertu ohi da
gertukotik urrun
non bestelakorik sentitzea
ezegokia ez den.
Non pasioak maiteari
bihotza urratuko ez dion.
Irudikatzen, marrazten,
desira duena moldatzen.

Bat-batean
desagertzen hasi denean
berriz itzuliko da,
bestea ere
bertan dela somatzean.

Aske zaitu
aldean
onartzeak dakar
azkenik
barea.
Eraikitakoak
zutik darrai horrela
eta horrela darraite
eskutik aurrera.

10. Lovesong

[+]

Whenever I’m alone with you
you make me feel like I am home again
Whenever I’m alone with you
you make me feel like I am whole again.

Whatever far away
I will always love you
Whatever long I stay
I will always love you
Whatever words I say
I will always love you.

Elkarrekin gaudenean
gaztea naiz berriz, zure ondoan
geu bakarrik gaudenean
alaia naiz berriz, zure ondoan.

Urrunetik ere
maite izango zaitut
luzaroan bada ere
maite izango zaitut
esandakoa esanda ere
maite izango zaitut.

Whenever I’m alone with you
you make me feel like I am free again.
Whenever I’m alone with you
you make me feel like I am clean again.

Urrunetik ere
maite izango zaitut
luzaroan bada ere
maite izango zaitut
esandakoa esanda ere
maite izango zaitut.

Hitzak: Robert Smith ( The Cure) Itzulpena: Birkite Alonso

11. (Ez)pain artian

[+]

Gaba hartan hesiak
ohi baino baxuagoa ematen zuen
eskutik heldu
eta jauzi egin gendun mendira
Aske nintzen
aske zu be.

Dasta neban fruitua
neuria bailitzan ene ezpain artian
Eta zeu zelatan,
ugazaba esnatuko zalako ustean.

Ilun bazen
izpiak ginen
egunsenti berriaren iragarle.

Lurra erein genuen.
Jauzi egin genuen.
Goizaren jabe ginelakoan nengoen
eta aske nintzen
aske zu be
argi izpiak lez,
une batez.

Azaroak 18/16

Hiria Taberna (Orduña)